BLAG ANPANGAL

Mi foto a liméwo twa la ! Apré Blag é tipawòl, Blag dèyè, Moïse Sorèze ka kontinyé fè-nou ri épi Blag anpangal. Asiparé zò ri bon kyè épi sé dé prèmyé-la. Twazyèm-la dontokèl. Zò pou ri plis ankò. Titòf ka kontinyé, monpè ka viv vi a-y, dòktè ka distribiyé pilil, vyékò ozabwa, rat ka bay bal é tout larès. Liv-lasa sé pou ri mé sé osit pou kabéché asi sosyété-la. Pa twòp kantmenn. Davwa sé pawòl makyé pou ri é fè moun ri. Ri fò, ri a gou a kyè a zòt. É chak kou zò pé, penga ri tousèl !