L'Egoual (revirado en prouvençau)

Enfant, ai trouba dins aquesto mountagno, dins aqueste aut massis de l’Egoual, ço que d’àutris enfant demandon i raconte d’aventuro, is istòri guerriero : la presènci d’un mounde erouï e fabulous e aquesto proumiero justificacioun de la vido que, pèr lis ome o pèr li pople, noun pòu tira que de la legèndo ». Andriéu Chamson coumenço ansin soun odo à l’Egoual, terro di camisard e doumaine enauraire de soun enfanço que se l’apoudero, alègre, dins si courso noumbrouso en mountagno. Raconto dins aquéu court recit lis emoucioun empurado pèr l’esfors, la counquisto dificilo dóu soum e li recoumpènso : bèuta dóu mounde e sentimen de douminacioun ressenti davans la naturo enfin badado à 1.500 mètre d’aut. Aquéu socle imbrandable fargara soun caratère e si valour. Andriéu Chamson (1900-1983) a tengu d’àuti founcioun poulitico — dins li gabinet d’Edouard Daladier en 1927 e 1934 — e amenistrativo : counservatour dóu Castèu de Versaio (1933), dóu Pichot Palais (1945) pièi direitour generau dis Archiéu de Franço (1959). Inteleituau dis annado 1930, a pesa dins lou debat civi pèr la creacioun dóu semanié Vendredi e dins l’istòri pèr la creacioun em’Andriéu Malraux de la Brigade Alsace-Lorraine en 1945. Intra en literaturo emé Roux le Bandit en 1925, a pourgi uno obro aboundouso, publicado à l’estrangié dins mai de vint lengo. Foundado sus li Ceveno emé la Suite cévenole et la Suite camisarde que clavo lou tout, toco peréu li dramo de la guerro e li proublèmo dóu tèms. En 1956, es elegi à l’Académie française e à la presidènci dóu PEN Club internaciounau. Cultivant sèmpre si font, devèn en 1957 majourau dóu Felibrige. Peireto Berengier, dóutour ès letro, coulabouratriço de noumbróusi revisto, tradutriço e autour, proun emplicado dins lou Felibrige, fai de counferènci sus l’obro pouëtico de Chamson e tradus, emé L’Egoual, sa proso en especialisto. Pèr elo, Chamson pensavo en prouvençau, talamen la traspousicioun dóu françés au prouvençau ié pareiguè eisado e naturalo. Traduction en provençal de l’Aigoual, court récit d’André Chamson, suivi du Laus (éloge) prononcé en son honneur en 1985. A noter qu’André Chamson fut aussi un Majoral du Félibrige (l’association mistralienne de défense de la Langue d’Oc).