Mowgli la granhòta

Los “Jungle Books” de Rudyard Kipling son una de las jòias de la literatura mondiala, coma ne son, dins d’autres genres, lo “Prinçòt” d’A. Saint-Exupéry o lo “Canhàs deus Baskerville” de’N Conan Doyle. Qual ne coneis pas las aventuras de Mowgli — aquela “granhòta” d’òme —, de la pantèra Bagheerà, de l’ors Baloo e del colhonet de tigre, Shera Khan ? Joan lo Boscassièr, nascut a Severac-lo-Castèl (Roërgue) en 1911, obtenguèt en 1983 lo grand prèmi Josèp Salvat per sa revirada — faita dirèctament de l’anglés — dels racontes de Mowgli « dins un occitan roergàs qualitadós e granat qu’es un plaser de legir una tan bona lenga ». Rudyard Kipling, vadut en Bombay (índia) en 1865, que’s morí en Londras en 1936. Qu’estó un deus escrivans mages de la literatura inglesa entaus mainadges. Los dus Jungle Books qu’estonn publicats, permèir, en 1894 e 1895.